O Fondo Galego reunirá en Vigo aos Fondos
de Cooperación |
 |
O próximo día 27 de xuño, coincidindo coa
celebración do noso quinto aniversario, reunirase en Galicia, na cidade olívica, a Confederación
de Fondos do Estado español, unha plataforma que agrupa a todos os Fondos municipalistas de cooperación
existentes en España: Catalán, Basco, Mallorquí, Menorquí, de Eivissa (Ibiza), Valencia,
e Andaluz. A reunión estará presidida por Joan Aguado, alcalde de Vilafranca del Penedès e
máximo representante do Fons Catalá. Os asistentes manterán unha reunión de traballo
durante toda a mañán, na que poderán participar os membros da Comisión Executiva do
Fondo Galego. Así mesmo, manterán un encontro cos medios de comunicación e co alcalde do Concello
de Vigo, Lois Pérez Castrillo.
É a segunda vez que a Confederación se reúne en Galicia. Ao pouco de nacer o noso Fondo, en
febreiro de 1998, reuníranse tamén en Santiago de Compostela para expresar a súa unánime
satisfacción e ledicia por esa realidade emerxente que hoxe podemos certamente consolidar, cinco anos despois,
cun incremento substancial das accións e do papel do municipalismo no ámbito da cooperación
descentralizada. |
| |
Xunta e Fegamp respaldan activamente ao Fondo
Galego |
|
| Nas últimas semanas concretáronse numerosos avances
que evidencian o alto nivel de sintonía existente entre as diferentes administracións públicas
para impulsar a cooperación ao desenvolvemento. En primeiro lugar, ademais do convenio de sensibilización,
a Consellería de Emigración e Cooperación Exterior rubricou o Convenio para continuar co proxecto
de Santiago de Cuba, para a revitalización da cidade histórica, de xeito que neste exercicio daremos
un novo impulso a esta iniciativa completando o diagnóstico urbanístico, ampliando a formación
de técnicos, poniendo en valor o seu patrimonio cultural e adquirindo novos soportes materiais que faciliten
a realización dos traballos. Ademais, o convenio asinado pola citada Consellería coa Fegamp será
xestionado polo Fondo Galego a través dun protocolo de execución que inclúe a realización
de actuacións en Cabo Verde e Guatemala, así como un curso de formación de 100 horas e actividades
de investigación en materia de irmanamentos, emigración e cooperación exterior. |
| |
Iniciativa privada |
|
| Ese mesmo espíritu de colaboración seduce aos actores
privados. A empresa de pinturas Meldorf vén de amosar a súa disposición a colaborar co Fondo
para que no proxecto de Santiago de Cuba, moi importante pola súa envergadura e polo que supón de
especialización da cooperación municipalista, se habilite un segmento de recuperación da imaxe
urbana a través do pintado de doce mazáns do seu centro histórico. O Fondo Galego agradece
a Meldorf a súa desinteresada colaboración neste novo impulso do intercambio entre Galicia e Cuba,
entre os municipios galegos e Santiago de Cuba. |
| |
O Fondo Galego co PNUD |
|
| Representantes dos Fondos e do PNUD (Programa de Nacións
Unidas para o Desenvolvemento) reuníronse en Barcelona o 9 de abril para analizar as posibilidades de cooperación,
habida conta que algúns dos seus proxectos se desenvolven nalgúns países onde os Fondos executan
programas. O intercambio de información e a posible adhesión dos Fondos ao PDL (Programa de Desenvolvemento
a nivel Local) constitúen os dous eixos principais de encontro. |
| |
As novas tecnoloxías do noso lado |
|
| En poucos meses contaremos cun Cd-Rom no que se recollerá
toda a información existente na nosa páxina web, de xeito que, nun formato accesible e económico,
facilmente actualizable, procuraremos a todos os interesados todos os detalles da nosa identidade, funcións
e obxectivos. |
| |
Solidariedade con Palestina |
|
| No anterior
Infórmate a Fondo, dábamos conta da creación
do Fondo de Emerxencia e da súa primeira actividade: impulsar a solidariedade con Palestina. Coa colaboración
da organización galega da Marcha Mundial de Mulleres e da Fundación Araguaney, o proceso está
en marcha e vén de recibir un importante respaldo cos irmanamentos de Oleiros con Ienín e de Santiago
de Compostela con Belén. O pobo palestino merece e precisa a nosa solidariedade. |
| |
Comisión Interterritorial |
|
| O pasado 20 de maio reuniuse en Madrid co obxecto principal de
analizar o impacto ambiental en materia de cooperación, se ben non puido concluírse por defectos
graves na convocatoria. Esta Comisión depende do Ministerio de Asuntos Exteriores e nela tamén participa
o Fondo Galego. |
| |
Cooperación ao desenvolvemento |
|
| A Consellería de Emigración e Cooperación
Exterior da Xunta de Galicia vén de aprobar o Anteproxecto da Lei de Cooperación ao Desenvolvemento,
fundamental para definir o contexto legal e normativo da cooperación en Galicia. Alfredo Novoa, presidente
do Fondo, participou nunha primeira xuntanza de debate celebrada o pasado 13 de maio e que volverá a reunirse
o próximo 24 de xuño. O pasado día 31 de maio, a Comisión Executiva, debatiu e deu
o seu visto e prace ao parecer do Fondo Galego a respecto do Anteproxecto, saudando positivamente a iniciativa
e propondo algúns cambios e melloras. Todos os interesados poden consultar este documento na rede ou solicitalo
á Secretaría: 986 357238. |
| |
Audiencia con Manuel Fraga |
|
| Con motivo de cumprirse próximamente o quinto aniversario
da constitución do Fondo Galego de Cooperación e Solidariedade, o presidente da Xunta de Galicia,
Manuel Fraga, recibirá á totalidade dos integrantes da súa Comisión Executiva. |
| |
Deputación de A Coruña |
|
| É a terceira en entrar. Unicamente nos queda como floco
pendente, Lugo, e agardamos que por pouco tempo. A asociación desta Deputación supón un novo
e importantísimo respaldo ao Fondo Galego, ao que se sumarán en breve os concellos de Caldas de Reis
e Lalín, na provincia de Pontevedra. |
| |
Mapa de socios do Fondo Galego |
|
| A Coruña |
Lugo |
Ourense |
Pontevedra |
| Deputación |
Lugo |
Deputación |
Deputación |
| A Coruña |
Mondoñedo |
Allariz |
A Cañiza |
| A Pobra do Caramiñal |
O Valadouro |
Ferrol |
A Estrada |
| As Pontes |
Quiroga |
Montederramo |
A Guarda |
| Arteixo |
Samos |
O Barco |
Baiona |
| Bergondo |
Sarria |
O Carballiño |
Bueu |
| Betanzos |
|
O Irixo |
Cangas |
| Boiro |
|
Ourense |
Cuntis |
| Brión |
|
Vilar de Santos |
Gondomar |
| Cabanas |
|
|
Moaña |
| Carral |
|
|
Nigrán |
| Cedeira |
|
|
O Porriño |
| Cerceda |
|
|
O Rosal |
| Corcubión |
|
|
Poio |
| Culleredo |
|
|
Pontecesures |
| Fene |
- |
- |
Pontevedra |
| Ferrol |
- |
- |
Redondela |
| Lousame |
|
|
Rodeiro |
| Mugardos |
- |
- |
Soutomaior |
| Narón |
- |
- |
Vigo |
| Neda |
- |
- |
Vilagarcía de Arousa |
| Noia |
 -
|
| Oleiros |
| Outes |
| Pontedeume |
| Porto do Son |
| Rianxo |
| Santiago |
| Vimianzo |
| |
| |
|
Número
41 - 3 de xuño de 2002