| Fondo Galego |
 |
 |
|
|
|
| fondogalego.org info@igadi.org |
|
| Tel/Fax: 986 357 238 |
  Número
100 - febreiro 2008 |
|
IV Xornadas Anuais de Cooperación O meu Concello no mundo, o mundo no meu Concello
O principal obxectivo desta xuntanza foi crear un espazo de encontro entre os diferentes axentes vinculados o municipalismo e a solidariedade, no que debater e reflexionar en torno o papel que cumpre ou podería cumprir o mundo local nas políticas de cooperación ao desenvolvemento, así como no impulso de redes horizontais de solidariedade e intercambio entre as distintas realidades Norte-Sur. Entre outros, ademais de autoridades locais galegas, contouse coa presenza de representantes do Concello de Córdoba, da Cámara Municipal de Palmela (Portugal), así como do coordinador do programa ART (Apoio ás Redes Territoriais) das Nacións Unidas e de dous representantes do municipalismos en Cabo Verde.
A partir dos diferentes temas tratados ao longo das IV Xornadas Anuais de Cooperación, é posible destacar as seguintes ideas, que a modo de conclusións poden axudarnos a avaliar a evolución do Fondo e marcar pautas e estratexias que poden guiar as nosas accións nun futuro.
A pesar do aumento da implicación dos entes locais galegos en materia de solidariedade e cooperación ao desenvolvemento nos últimos dez anos, non se pode considerar que en Galicia as políticas de cooperación municipais estean consolidadas, nin na cantidade dos fondos nin na calidade da súa xestión. É por isto que, tras as eleccións municipais espérase un incremento no compromiso. Para acompañar dito crecemento, é imprescindible a articulación de estructuras e mecanismos de xestión e coordinación. Entre outras liñas a seguir, déuselle especial importancia á creación dunha partida específica nos orzamentos anuais, así como un departamento con persoal técnico formado en cooperación e solidariedade; sumarse ao Fondo Galego en aras de harmonizar os esforzos levados a cabo entre as distintas entidades locais; e asumir a responsabilidade social como entidades públicas, a través da implementación de accións relativas ao comercio xusto, a compra pública ética e o consumo responsable.
Durante as Xornadas puidemos achegarnos á experiencia do Programa das Nacións Unidas para o Desenvolvemento na cooperación descentralizada, que se materializa na Iniciativa ART, e que amosa a necesidade da articulación en rede de todos os actores (políticos, económicos, sociais...) dun territorio para conseguir un desenvolvemento integral e sostible, baseado nas propias potencialidades da zona. Aposta, polo tanto, por un enfoque territorial das estratexias de cooperación, no que encadrarían diferentes sectores. Neste senso, os retos a asumir serían varios: • Superar a lóxica do proxecto a curto prazo e potenciar procesos a longo prazo. • Xerar dinámicas de harmonización e coordinación ao redor de “intereses comúns” entre os diferentes actores. • Asegurar a participación activa e efectiva da poboación, que pasaría de “beneficiaria a protagonista”. • Garantir a horizontalidade da cooperación. • Coordinar a esfera local coa nacional e a internacional, asumir a súa complementariedade.
As experiencias doutros Fondos de Cooperación ou doutros Concellos, ofrecéronnos como principais aportacións: • A necesidade de contar con Plans Municipais que deseñen as estratexias a seguir. • A importancia de apostar pola cooperación directa naquelas áreas onde os municipios dispoñan de competencias específicas. • A partición da cidadanía é imprescindible para o bo funcionamento das políticas de cooperación municipais. • Abrir novas rutas para a cooperación tendo en conta a propia realidade do Concello. Como o traballo conxunto coa poboación inmigrante en estratexias de codesenvolvemento. • A educación para o desenvolvemento e os programas de sensibilización deben ser un área de traballo prioritaria. En base a súa proximidade aos/ás cidadáns/as, os entes locais deben afondar no seu papel pedagóxico-educador e trasladar a nosa responsabilidade nas desigualdades Norte-Sur. • Os irmanamentos son un instrumento de vital importancia para a cooperación municipalista. • As misións técnicas de avaliación e seguimento axudan a achegar ás entidades colaboradoras e a xerar redes estables de cooperación, así como son imprescindibles para coñecer os impactos reais do traballo feito, e identificar as liñas a seguir cara o futuro. • A asignación de recursos é imprescindible para que haxa políticas de cooperación estables e relevantes, pero o esforzo na súa xestión e calidade lle segue inmediatamente en orde de importancia.
• Intercambio de experiencias en Cabo Verde No mes de novembro de 2007 realizaron unha misión de traballo de oito días a Cabo Verde a técnica do Fondo Galego María del Mar Gómez e tres concelleiras municipais galegas, Pilar Gallego do Concello de Allariz, Ángeles Silva do Concello de Baiona e María Méndez do Concello de Vigo. As tres representantes do poder local galego participaron no proxecto que leva a cabo o Instituto Caboverdiano para a Igualdade e a Equidade de Xénero (ICIEG) para aumentar a participación das mulleres nas eleccións municipais de 2008. Con este fin, celebrouse unha Xornada de Intercambio de Experiencias entre mulleres políticas de Cabo Verde e Galicia. Aproveitando a viaxe, outro obxectivo foi o seguimento e avaliación de proxectos sobre o terreo da Cámara Municipal de San Miguel, da Cámara Municipal de San Felipe e a Cámara Municipal de Santa Catarina. Ademais, mantivéronse encontros cos/as representantes
de Citi-HABITAT, unha ONGD con máis de vinte anos de experiencia coa que se colabora nun proxecto de abastecemento
e canalización de auga no Barrio Ponte de Auga, en Praia; e da Asociación Nacional de Municipios
Caboverdianos (ANMCV), que ten dous proxectos financiados polo Fondo Galego e a Dirección Xeral de Cooperación
Exterior da Xunta de Galicia, sobre diagnose e elaboración dos plans municipais en materia de medioambiente.
No mes de novembro visitaron Galicia dous representantes do municipalismo en Cabo Verde, cos que o Fondo Galego ven traballando en proxectos de cooperación, Valter de Sá, secretario da Asociación Nacional de Municipios Caboverdianos e Joao Gómes Duarte, presidente da Cámara Municipal de Sao Miguel, Illa de Santiago. Dende o 26 ao 30 de novembro, visitaron os Concellos de Burela, Santiago de Compostela, Arteixo e Vigo, e mantiveron unha reunión coa directora xeral de Cooperación Exterior, Fabiola Sotelo. Tamén participaron nas IV Xornadas expoñendo o proceso de descentralización política que se ven dando no arquipélago de Cabo Verde dende o ano 1991, e o fortalecemento progresivo das administracións locais, o que deriva nunha maior democratización do país.
• Días solidarios Durante todo o ano 2008, hai unha serie de días que nos poden servir para reflexionar e organizar actividades en torno a diferentes realidades, a través das cales acercarse a problemáticas e xerar alternativas para as mesmas, algúns deles son:
e a Paz. 08/03.
Día Mundial da Muller. 07/04. Día Mundial da Saúde. 01/05.
Día do Traballadores e 04/06.
Día dos/as Nenos/as Víctimas 09/08.
Día Mundial das Poboacións 21/09. Día Mundial da Paz. 01/10.
Día Mundial das Persoas 16/11.
Día Mundial pola Tolerancia. 01/12.
Día Mundial dos Discapacitados.
Mapa de socios do Fondo
Galego |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
  Descarga
o boletín en formato pdf. |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
www.fondogalego.org ÚLTIMA REVISIÓN: 12/02/2008
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
