Memoria Fondo Galego 2012: Somos unha rede de instituciĆ³ns e persoas

Sae do prelo a memoria de actividades de 2012, ano no que se celebrou o 15º aniversario do Fondo Galego de Cooperación e Solidariedade cunha intensa actividade.

'Somos unha rede de institucións e persoas' é o lema que marcou a conmemoración e é tamén o título desta memoria na que se volve pór de relevo "o enorme valor do traballo en rede (...) a prol da promoción e defensa dos Dereitos Humanos", tal e como destaca na súa introdución a presidenta, Teresa París.

Tras a correspondente sección de tecido e vida asociativa, o texto recolle as relacións institucionais mantidas no último exercicio coa Xunta de Galicia, a Fegamp, a Coordinadora Galega de ONGD a Confederación de Fondos ou a propia Unión Europea. Detállanse a continuación os proxectos propios, de cooperación indirecta e de postemerxencia que durante o pasado ano estiveron en execución en Nicaragua, Honduras, India e Haití.

O outro gran bloque da memoria céntrase na sensibilización, que en 2012 marcou un récord ao rexistrar un total de 113 actividades en 71 entidades socias. A visita do Inprhu-Somoto, o concurso de fotografía, Vacacións con Traballo, xornadas, contacontos, exposicións, charlas e cine son só algunhas das propostas desenvolvidas.

O apartado de comunicación, no que destaca o documental realizado canda Agareso, e o balance económico pechan a publicación, xunto cunha listaxe da axenda desenvolvida ao longo do exercicio polo Fondo Galego de Cooperación e Solidariedade.

Preme aquí para descargar a 'Memoria 2012: Somos unha rede de institucións e persoas'