Aviso:

[Pechar}


Illa de San Simón 2012-03-15

Memoria Fondo Galego 2011: Un tempo novo

O Fondo Galego vén de publicar a memoria de actividades de 2011, que baixo o título 'Un tempo novo' recolle a intensidade do último ano, marcado polo novo ciclo municipal.


Tras a presentación asinada pola presidenta, Teresa París, o texto arranca cun resumo do tecido e vida asociativa, para dar paso a unha síntese das relacións institucionais con diferentes organismos.

Segue a continuación un amplo apartado dedicado aos proxectos do Fondo Galego de Cooperación e Solidariedade, introducido por un balance dos 15 anos de andaina e centrado logo nas actuacións apoiadas en Cabo Verde e Nicaragua durante 2011 en materia de vivenda.

A de sensibilización é outra das seccións máis destacadas desta memoria, xa que no pasado ano mobilizáronse o meirande número de actividades na historia da asociación municipalista, entre as que destacan as exposicións e contacontos.

Un resumo da área de comunicación e o balance económico do exercicio pechan a publicación, xunto coa listaxe da axenda de actividades realizadas.

Preme aquí para descargar a 'Memoria 2011: Un tempo novo'

Memoria Fondo Galego 2011: Un tempo novo