Aviso:

  • strict warning: Only variables should be passed by reference in /home/nghptiou/public_html/web/sites/all/modules/date/date_api.module on line 866.
  • strict warning: Non-static method view::load() should not be called statically in /home/nghptiou/public_html/web/sites/all/modules/views/views.module on line 1113.
  • strict warning: Declaration of views_handler_field::query() should be compatible with views_handler::query($group_by = false) in /home/nghptiou/public_html/web/sites/all/modules/views/handlers/views_handler_field.inc on line 0.
  • strict warning: Declaration of content_handler_field::element_type() should be compatible with views_handler_field::element_type($none_supported = false, $default_empty = false, $inline = false) in /home/nghptiou/public_html/web/sites/all/modules/cck/includes/views/handlers/content_handler_field.inc on line 0.
  • strict warning: Declaration of views_handler_sort::options_validate() should be compatible with views_handler::options_validate($form, &$form_state) in /home/nghptiou/public_html/web/sites/all/modules/views/handlers/views_handler_sort.inc on line 0.
  • strict warning: Declaration of views_handler_sort::options_submit() should be compatible with views_handler::options_submit($form, &$form_state) in /home/nghptiou/public_html/web/sites/all/modules/views/handlers/views_handler_sort.inc on line 0.
  • strict warning: Declaration of views_handler_sort::query() should be compatible with views_handler::query($group_by = false) in /home/nghptiou/public_html/web/sites/all/modules/views/handlers/views_handler_sort.inc on line 0.
  • strict warning: Declaration of views_handler_filter::options_validate() should be compatible with views_handler::options_validate($form, &$form_state) in /home/nghptiou/public_html/web/sites/all/modules/views/handlers/views_handler_filter.inc on line 0.
  • strict warning: Declaration of views_handler_filter::query() should be compatible with views_handler::query($group_by = false) in /home/nghptiou/public_html/web/sites/all/modules/views/handlers/views_handler_filter.inc on line 0.
  • strict warning: Declaration of views_plugin_query::options_submit() should be compatible with views_plugin::options_submit($form, &$form_state) in /home/nghptiou/public_html/web/sites/all/modules/views/plugins/views_plugin_query.inc on line 0.
  • strict warning: Declaration of views_plugin_row::options_validate() should be compatible with views_plugin::options_validate(&$form, &$form_state) in /home/nghptiou/public_html/web/sites/all/modules/views/plugins/views_plugin_row.inc on line 0.
  • strict warning: Non-static method view::load() should not be called statically in /home/nghptiou/public_html/web/sites/all/modules/views/views.module on line 1113.
  • strict warning: Declaration of views_plugin_style_default::options() should be compatible with views_object::options() in /home/nghptiou/public_html/web/sites/all/modules/views/plugins/views_plugin_style_default.inc on line 0.

[Pechar}


Ames 2018-10-11

O desafío de acadar unha educación universal de calidade

Mozas estudando nun centro educativo de Mozambique. FOTO: Adrián Irago.

A educación é a base para mellorar a vida das persoas e para acadar sociedades sustentables. Nestes intres, en que acabamos de iniciar un novo curso escolar, acontece que máis de 265 millóns de menores de todo o mundo están sen escolarizar, dos que a maioría son rapazas, un dato sobre o que desde o Fondo Galego de Cooperación e Solidariedade queremos chamar a atención no Día Internacional das Nenas, que se conmemora hoxe. Aínda que se teñen producido avances e os índices de escolarización xa son practicamente paritarios en Primaria, poucos países teñen acadado a equidade nos restantes niveis educativos, segundo datos de Nacións Unidas.

Esta desvantaxe tradúcese nunha falta de formación, e polo tanto, de oportunidades no  acceso ao mercado de traballo. Das 600 millóns de adolescentes que se incorporarán ao mundo laboral no próximo decenio, máis do 90% viven en países en vías de desenvolvemento e traballarán nun sector non formal da economía, onde o traballo non remunerado, o abuso e a explotación son máis que frecuentes. De aí que a Unesco estea a traballar coa comunidade internacional para que as nenas reciban doce anos de educación básica gratuíta, que inclúa cuestións relativas á igualdade de xénero, a saúde e a sexualidade, co fin de erradicar estereotipos que supoñen barreiras para a formación, a integración e a liberdade das rapazas. Porén, tamén nos países do Norte temos moito que facer para acabar coa infrarrepresentación das mulleres en determinadas carreiras de carácter científico e tecnolóxico, por exemplo.

Os Estados membros da ONU recolleron precisamente entre os 17 Obxectivos de Desenvolvemento Sostible establecidos en 2015 a necesidade de “garantir unha educación inclusiva, equitativa e de calidade e promover oportunidades de aprendizaxe durante toda a vida para todas as persoas”. Baixo este epígrafe, o ODS número 4 promulga que a educación de calidade debe ser universal, e que o acceso ha de ser igualitario tamén para as persoas con discapacidade, os pobos indíxenas e quen se atope nunha situación vulnerable. Do mesmo xeito, cómpre construír instalacións axeitadas, incrementar as bolsas e mellorar a formación do profesorado, pois a escaseza de docentes capacitados e as malas condicións dos centros educativos en moitas zonas do mundo acentúan esta problemática.

O Fondo Galego de Cooperación e Solidariedade, do que o Concello de Ames forma parte activa, vén contribuíndo a paliar esta situación a través de proxectos de cooperación internacional, coma o que os que permitiron edificar varias escolas en municipios de Cabo Verde, ofrecer formación para mocidade do rural canda a ONGD Inprhu en Nicaragua ou mellorar as condicións educativas e sanitarias dun centro de ensino en Mozambique con Ecos do Sur. Ademais, na actualidade estase a levar a cabo no país lusófono un exitoso programa xunto coa Fundação Encontro para previr doenzas, adiccións e embarazos non desexados na mocidade a través do deporte, entre outras accións.

O matrimonio e o embarazo precoces, a violencia machista, os roles, os estereotipos de xénero, a pertenza a unha minoría, o illamento xeográfico e a escaseza de recursos áchanse entre os obstáculos que impiden ás rapazas exercer o seu dereito a estudar, obter un título e aproveitar os beneficios da educación, que permite reducir as desigualdades e facilita saír do ciclo da pobreza. Nas nosas mans está tamén promover unha educación para o desenvolvemento sostible, que avogue polo respecto aos Dereitos Humanos e a posta en valor da diversidade cultural, así como ofrecer contornas de aprendizaxe pacíficas e inclusivas. Cuestións todas elas que podemos apoiar no noso municipio, pero tamén nos países máis desfavorecidos participando en redes coma o Fondo Galego e nos seus proxectos.

Luísa Feijóo
Concelleira de Sanidade, Servizos Sociais e Igualdade de Ames.

*Artigo de opinión publicado en Praza Pública con motivo do Día Internacional das Nenas

O desafío de acadar unha educación universal de calidade