Exposición fotográfica do proxecto de cooperación realizado en Nicaragua pola ONGD Solidariedade Galega: A Formación sociosanitaria como vía de desenvolvemento, en Ocotal (Nueva Segovia) e Puerto Cabezas, Nicaragua, co-financiado polo Fondo Galego de Cooperación e Solidariedade, que reflexa, tanto o esforozo realizado por medio do proxecto, como a cultura e a sociedade do pobo nicaraguense.

1. Ficha técnica

A exposición consta de 54 fotografías enmarcadas con marco negro: 48 de 50x60 e 6, de 65x75cm, combinando fotografías en branco e negro, con fotografías a cor. A exposición conta tamén con dous carteis explicativos de 90x120 cm, das actividades realizadas por Solidariedade Galega en Nicaragua. Para a súa instalación as fotografías pódense instalar en calquera parede.

2. Contido

As fotografías son obra de Eduardo J. Castro Rodríguez, fotógrafo que expuso xa en diferentes cidades españolas e estranxeiras, e que acaba de rematar unha exposición na Biblioteca Nacional de Amsterdam, e que  para a realización das fotografías convivíu cos voluntarios en Nicaragua durante o tempo do proxecto

A exposición divídese en tres bloques distintos, intentando achegarse ao espectador de forma sutil e artística. O primeiro bloque céntrase nas actividades realizadas en Nicaragua pola ONGD, o segundo na problemática sanitaria e social dos buzos de Puerto Cabezas, e xa no último, céntrase na cultura e a sociedade do pobo nicaraguense. Por medio deste percorrido onde se entremezcla o traballo realizado coa expresión artística fotográfica, coñecerase a realidade e situación que se está a vivir en Nicaragua.

No primeiro bloque preténdese amosar por medio da fotografía os aspectos sociais do pobo nicaraguense e a súa cultura, ensinándonos as súas xentes, as súas actividades cotiás, o seu traballo, etc…tentando trasladar ao espectador á propia Nicaragua, para que coñeza as súas xentes e se estableza unha proximidade con cada un de nós.

O segundo bloque quere plasmar o traballo de Solidariedade Galega en Nueva Segovia ao norte de Nicaragua. Este traballo consistíu na elaboración dun programa formativo dirixido a médicos, enfermeiras, parteiras e a rede comunitaria (conformada por brigadistas da saúde, bombeiros, policía e exército) formando a grupos de cada comunidade e aportando os medios necesarios para que estes repliquen eses coñecementos a outros profesionais.

Por último, no terceiro bloque explícase a problemática dos buzos que viven en Puerto Cabezas, ao nordeste de Nicaragua, que ó carecer de formación e medios axeitados para o buceo, a súa profesión -a pesca da langosta mediante o buceo autónomo-, condúceos á morte, ou a graves enfermidades con secuelas letais (paraplexias, tetraplexias…).

Selección fotográfica